Friday, 10 August 2018

டிஜிட்டல் வடிவ ஆவணங்களை ஏற்க வேண்டும்: மத்திய அரசு!

டிஜிட்டல் வடிவில் உள்ள ஆவணங்களை ஏற்க வேண்டும் என்று மத்திய அரசு மாநில அரசுகளுக்கு அறிவுறுத்தியுள்ளது.
டிஜிட்டல் வடிவில் உள்ள ஆவணங்களை ஏற்க வேண்டும் என்று மத்திய அரசு மாநில அரசுகளுக்கு அறிவுறுத்தியுள்ளது.

பெரும்பாலும், போக்குவரத்து போலீசார் வாகன ஓட்டிகளை நிறுத்தி, அவர்களின் வாகன பதிவு ஆவணங்கள் மற்றும் ஓட்டுனர் உரிமம் ஆகியவற்றை டிஜிட்டல் வடிவில் உள்ள ஆவணங்களை ஏற்க மறுப்பதாக குற்றம் சாட்டப்பட்டது. மேலும், டிஜிலாக்கர் மற்றும் எம்பரிவாஹன் ஆப்ஸ்கலில் டிஜிட்டல் வடிவில் உள்ள ஆவணங்களை ஒரிஜினல் சான்றிதழுக்குப் பிறகு ஏற்க வேண்டும் என்று கோரிக்கையையும் எழுந்துள்ளது.

இது தொடர்பாக, மத்திய சாலை போக்குவரத்துத் துறை அமைச்சகம், கூறுகையில், டிஜிலாக்கர் மற்றும் எம்பரிவாஹன் ஆப்ஸ்களில் காட்டப்படும், ஆவணங்களை ஏற்க வேண்டும் என்று மாநில அரசுகளுக்கு உத்தரவிட்டுள்ளது. மேலும், வாகன ஓட்டிகள் சிரமப்படாமல் இருக்க டிஜிட்டல் வடிவில் உள்ள ஆவணங்களை மோட்டார் வாகன சட்டம் 1988ன் படி ஏற்றுக்கொள்ளப்படும், ஆவணங்களாகவே கருத வேண்டும் என்று மத்திய அரசு வெளியிட்டுள்ள சுற்றறிக்கையில், தெரிவித்துள்ளது.

தகவல் தொழில்நுட்ப சட்டம் 2000ன் படி, டிஜிலாக்கரிலிருந்து அணுகக்கூடிய டிஜிட்டல் ஆவணங்களை ஒரிஜினல் ஆவணங்களாக கட்டாயமாக்கப்பட்டுள்ளது என்பது குறிப்பிடத்தக்கது.

No comments:

Post a Comment