Wednesday 26 June 2019

பெட்ரோலுக்கு பதிலாக கோகோ கோலாவை பைக்கில் ஊற்றிய போது நிகழ்ந்த ஆச்சர்யம்..!

உலகளவில் விற்பனை செய்யப்படும் பெரும்பாலான இருசக்கர வாகனங்கள் பெட்ரோல் ஆற்றலில் இயங்கக்கூடியவை தான். எனினும், ஒரு சில மாடல்கள் டீசல் ஆற்றலில் இயங்கும் வகையில் தயாரிக்கப்படுகிறது. இந்த மாடலுக்கு இந்தியாவில் வரவேற்பு குறைவு தான்.

தற்போது எரிபொருள் பயன்பாட்டுக்கு மாற்றாக மின்சார ஆற்றலில் இயங்கும் இருசக்கர வாகனங்கள் பிரபலம் அடைந்து வருகின்றன. இந்தியாவில் இன்னும் உட்கட்டமைப்புகள் சரியாக அமையாத காரணத்தினால், நம்நாட்டில் இன்னும் மின்வாகன பயன்பாடு பிரபமடையவில்லை.

இருந்தாலும் ரிவால்ட் மோட்டார்ஸ் போன்ற சில ஸ்டார்ட் அப் நிறுவனங்கள் மின்சார வாகனங்களை விற்பனைக்கு அறிமுகம் செய்யவுள்ளன. தவிர, நான்கு சக்கர வாகன பயன்பாடும் மின்சார ஆற்றலுக்கு மாற்ற முயற்சிகள் மேற்கொள்ளப்பட்டு வருகின்றன.

இதற்கிடையில் இந்தியாவைச் சேர்ந்த இளைஞர் ஒருவர், தன்னுடைய பைக்கில் பெட்ரோலுக்கு பதிலாக கோகோ கோலா குளிர்பானத்தை ஊற்றி, பைக்கை இயக்கிக் காட்டி அனைவரையும் திரும்பி பார்க்க வைத்துள்ளார்.

தன்னுடைய ஹோண்டா கிளாமர் பைக்கில் டேங்கில் இருந்த பெட்ரோலை முழுவதும் காலி செய்துவிட்டு, அதில் கோகோ கோலாவை ஊற்றியுள்ளார். அந்த குளிர்பானம் சற்று ஜில் என்ற இருந்ததால், அது எஞ்சினுக்கு தேவையான கூலிங்கை வழங்கியிருக்கும்.

பிறகு, ஸ்டார்ட் செய்தபோது எந்தவித பிரச்னையும் இல்லாமல் பைக் சீராக இயங்கியது. அடுத்து ஆக்ஸிலேட்டரை விட்டவுடன் சிறிது நன்றாக சென்ற பைக் எந்தவித தடங்கலும் இல்லாமல் போனது. சிறிது தூரம் சென்றவுடன் நின்றுவிட்டது.

ஸ்டார்ட் ஆன பைக் எப்படி நின்றது என்று நீங்கள் யோசிக்கலாம். கோகோ கோலாவுக்கு பைக்கை இயக்கும் ஆற்றல் கிடையாது என்பது தான் உண்மை. அப்படியிருக்க பைக் எப்படி இயங்கி, சிறிது தூரம் சென்றது என்று கேட்டால், பைக்கின் கார்ப்புரேட்டரில் சிறிதளவு பெட்ரோல் இருந்திருக்கும். இதனால் பைக் சிறிது தூரம் சென்று நின்றிருக்கும்.

கோகோ கோலாவுக்கு பைக்கை இயக்கும் ஆற்றல் இருந்தால், அனைத்து நிலையங்களிலும் அதுதான் மாற்று எரிபொருளாக விற்பனை செய்யப்பட்டு இருக்கும். அதை குடிப்பதையும் நாம் தவிர்த்திருப்போம். கோகோ கோலா எரியக்கூடிய திரவம் இல்லை என்பதை இங்கே கவனித்து பார்க்க வேண்டும்.

இது ஒரு பரிசோதனை முயற்சிக்கா தான் செய்து பார்க்கப்பட்டது. வாகன பயன்பாடு குறித்து அவ்வப்போது கள ஆய்வுகள் நடத்தி வீடியோக்களை வெளியிடும் யூடியூப் சேனல் தான் Yash Ke Experiments. அந்த சேனல் வெளியிட்டுள்ள புதிய வீடியோவில் தான் இந்த முயற்சி செய்து பார்க்கப்பட்டது. இதை மற்றவர்கள் ஒருபோதும் முயற்சி செய்து பார்க்க வேண்டாம். உங்கள் மோட்டார் சைக்கிள் பழுதடைந்துவிடும்.

No comments:

Post a Comment